fbpx

First published on Facebook on Tuesday, April 7, 2009 at 10:30am

اليوم اقتنعت….إنّو أنا واحد هبيلي……


هوّي ما كان خاطر عبالي أبداً هالموضوع…..
لكن اليوم…..خطر….واقتنعت…..


ما كنت ملاحظ عحالي من قبل….
وما كانت واردة إنّو فكّر بالموضوع حتّى…..


بعدان انتبهت…
إنّو يمكن… لأنّي هبيلي ما كنت ملاحظ عحالي..
يعني لو ما يجي صديقي… وينوّرني إنّي هبيلي…..
يمكن كنت لهلّق بعدني مش عارف……


ومنيح إنّو سائبت عم بتحدّث أنا ويّاه…..
فسألني: “مع مين رح تنتخب إنت؟”
قلتلّو: ” أنا مش رح إنتخب”….
قلّلي: “ليش”
قلتلّو: “لأنّو ما حدا من المرشّحين معبّيلي راسي…
…وما حدا بيستاهل”….


فقلّي: “إنت واحد هبيلي….لأنّو المرشح اللّي بدّك تنتخبو…
مش لازم يعبّيلك راسك…هيدا لازم يعبّيلك جيابك”….


ساعتها اقعدت… وصفنت مع حالي….ولاحظت…واقتنعت……
إنّو أنا واحد هبيلي…..


مشّ بسّ هبيلي…
هبيلي…..وغشيم….وجيابي فاضية كمان…..


إحترماتنا…

johnnyhage

View all posts

Add comment

Your email address will not be published. Required fields are marked *